Queremos presentarvos o noso Catálogo de Xogos. É unha guía dixital de enredos, un traballo no que participaron todos os ciclos do noso centro e que amosan que nesta escola se xoga en galego. Esta proposta realizouse grazas á colaboración do Equipo de Plan Dixital e recorreuse, maioritariamente, ao Libro da Memoria , elaborado polas aulas Maruxa e Coralia hai dous cursos. Animádevos a botar man deles, estes xogos forman parte da cultura que nos é propia! Premede na imaxe para acceder.
A Barbería Ultreia, situada na Algalia de Arriba, tamén fala galego. O seu propietario Antonio dedicounos uns minutos e quixo participar na nosa campaña a prol do galego.
A primeira das apostas do noso proxecto é xogar en galego. O xogo é unha actividade fundamental para o desenvolvemento e a aprendizaxe das nenas e dos nenos. Mellora as súas funcións executivas: atención, memoria, planificación ou autocontrol e manexo das emocións. Pero, especialmente, favorece contacto con outras persoas, mellorando os procesos de socialización. Ademais de traballar o ámbito psicomotriz e a capacidade expresiva, supón facilitar a adquisición de repertorios previos que facilitan moitas aprendizaxes entre elas, por suposto, a lingüística. Achegamos unha das actividades que se desenvolven no marco desta proposta e do programa 21 días co galego e + para pór en valor o traballo emocional e as iniciativas de aprendizaxe servizo, esta vez con AGADEA, que levamos a cabo.
Comentarios
Publicar un comentario